Our Wedding Photo book 已完成

相薄封面封底

整左幾個月，但最後用左個幾月時間，終於做好了our wedding book，男、女家各一本，分別係晚宴，將男、女家的親戚朋友分辨放到兩本相薄內，出來既效果好靚，最衰package只剩下呢個細d既size，雖然版面好密側側，但總算叫留個美好回憶。

上是男家光面、下是女家啞面印刷

Print100的相薄印紙和效果都好靚，上面男家因加左頁數，所以印光面，女家下面個本就印啞面。

First new blog

因為yahoo blog的突然close，令到我們一班bloggers都紛紛鳥散，幸好大家都叫做搵到個窩可以快速地搬好家。我就仍然搬家中，亦未適應新blog的操作。 正正寫blog，係"撰寫"內打唔到任何字，但係"HTML"內先可以打到字，大家有無呢個問題？！點解決？！

Say goodbye to my yahoo blog

開始收到其他網友的資料，互相add 大家新網址和facebook.

我都開左個新blog，但我未係好識用，所以要遲d先補blog
http://cathytst.blogspot.hk/

大家可以add返我，但我未識用，點樣將成個yahoo blog搬過去？

我係由結婚開始寫，還想將成個過程都記錄低，同其他人交流和分享生活點滴，點知現家突然又無晒，好心灰。
係呢度識到一班網友，我好開心，大家有d都add左fb，希望大家講facebook給我，我試過add email，但又add唔到fb，太耐無add人唔識add添。

請大家add我facebook: cathytst@gmail.com

希望大家可以保持聯絡，繼續見證大家既不同階段。

法國III (蒙巴那斯大樓) & 比利時(撒尿小童) @ Day 4

一早上車領隊話有一個好和一個壞消息，叫我地揀想聽邊個先。。。
壞消息就係：原我們有2個鐘係春天shopping，變成45mins....
好消息就係：我地免費加多一個景點—蒙巴那斯大樓，高58層，鶴立雞群，據說是西歐第一高樓
因昨日有團友發現行程上有寫，領隊漏夜同公司相量，領隊話既然寫得落去行程上，公司都同意照去。
有d團友好開心，有d好唔開心，因無左時間shopping，領隊話大家都唔使灰心，其後行程上再搵時間俾大家shopping。
我最終都係威尼斯人買左個袋，唔使迫唔使排長隊入去，退稅重好快好方便，我係之後的blog@威尼斯人篇再講。
因當日係春天連想排隊入去Channel睇，都有幾個大陸人拖住幾個鈦金gip頂住，唔俾我地跟住團友排隊。
退稅又要排個幾鐘，所以我更加唔鐘意春天買，反而威尼斯人、羅馬重大把任你睇任你揀........

好！講返第4日行程。我地去到蒙巴那斯大樓排隊搭lift，那裡又大風又凍，吹左成個鐘，先入到去。
好彩我地幾個女人入去排toilet，排完出來已經到lift位，那裡好多印度人旅客，相反強國人少好多。



又係60sec上到頂樓

上到去透明玻璃法國全景，景觀都不錯。

相機影都唔係好清，反而iphone重有野影到。


臨睇完先知原來可以上樓梯到樓上開放式觀景台，我地直衝上去因為重有5mins就要集合。
201m高

開放景觀台，好彩重趕到上來

春天shopping時間，逛了一會，我地就自己出左去行街邊檔，重繞了一圈，去到呢個音樂廳影相


領隊還帶我地去紅磨坊車上外觀拍照，其實我唔識有咩好睇？！

吃過lunch後，我地就要離開法國，坐2-3個鐘去比利時

沿途風景都好靚，全是平原、黃色一遍的小花

坐左2個鐘，終於有得落地去toilet，舒展下。

幾個鐘車程後，終於到左比利時


教堂廣場，這裡的建築物都好靚，教堂既建築與法國又唔同風格

好可愛的撒尿小童

 

 

係廣場又快速地拍照

 

這個教堂好靚、好高，我地一影再影，近景、遠景

 

其實比利時都好靚，廣場少少，但每個角落都唔同景，我覺得那裡都好靚好靚。


撒尿小童

跟住去左買比利時朱古力，不過我地無買Godiva，買了當地比利時朱古力，領隊話比利時既奶乳品都好靚，所以朱古力都好香。

當時差不多6點幾，個天重好光，正！

我老公合照時，又係領隊面前強吻我，哈哈.........

來返張正經既......哈哈

藍天下，建築物上既金漆都會好靚好閃，每張相都好靚。

完晒一日行程，行返出大街就吃比利時青口，這個團的飲食叫做不錯。

吃完飯後，我地返酒店，今次呢間酒店又係好舒服，望出窗外是個大泳池和餐廳