囍貼@新婚印象

 

 

10/22終於去了睇囍樣貼板，我們唔想用太多錢係貼度，所以我地只會揀返翠園特定的款式，那裡有10款，我地都揀到了其中的3款。

我問了如加牛油紙：$1@，價錢可以接受。
文字：1星期時間確認
印貼：1個月時間

大約預個半月時間，我都打算12月初要排稿。不過要同酒樓確認圍數，因每圍包8張，我地還未定15-18圍。
之前得閒d時，都已叫張生跟他爸爸寫一次人名表，因幾年前他哥那張人名表，好似鬼畫符，全手寫，無任何整理，我真係頂他唔順。
現家終於定了10/31開始裝修，人名表事情就要留待裝修後才可整。

唉，我開始覺得時間趕急起來，我唔想到最尾的3個月先來趕呢樣趕那樣。
暫時我地既進度都好好，但我有點擔心之後12月至1月要進行的項目進度。希望仍然是順順利利的！努力倒數來緊既最後3個月。

我都仍未揀定要第1定第2款貼。問埋媽咪既意見就確認。大家都可以俾d意見。


1) 細細張岩size，但呢隻紫色沉了少少，如揀呢款，會加牛油紙。

   

2) 暫以此款勝出，因喜好金色多d，呢張就唔使加牛油紙，因咭面既印花打開都見到，感覺都唔錯。

 

3) 呢個公仔款都唔錯，但呢隻金色怪怪地，張生唔鐘意。