Our room 完成篇 (私)

Our room終於完成了。
經過幾個星期週末的清潔、unpack，重有上兩星期的不斷追趕、確認不同公司的送貨和安裝，所有野都到齊了。

我揀的完全遮光窗簾，張生好喜歡呢隻色，因早上完全發揮了其功效。

 

 

 

另傢私一次過送來，由6pm安裝到9pm，由1個師博到最後3個師博一起安裝，先搞得掂d傢私。

我地原想買胡桃木，可惜要襯返整體色，而變成楓木色，不過淺色，感覺都唔錯。

我們的衣帽間、我的梳妝桌，鏡打開係一個化妝櫃，下面兩格白色就係放首飾的，我最鐘意係塊鏡，好方便。連梳妝椅都是原裝襯返色的，正！！

張生的書台終於成功地遷移了，好彩d電腦、喇叭個d樣樣得，玻璃櫃應是空空的，因我d野仍未進駐呢。


傢私送完後，隔幾日，我們的床褥和枕頭送貨了


我快快幫床褥換上我最喜愛的床笠，這套是$279 360針ELLE的，之前係Casablanca 2折開倉時買的，質地都夠滑，抵買。

床笠原圖



床笠實物圖

 

另一田優惠日係Casablanca買了ELLE蠶絲被$499特大，呢張被唔好睇少，打開其實薄薄，但一蓋上身，個人會發滾，剛巧那晚是天氣轉冷的晚上，
但我倆覺得果人發滾的，過左凍的天地，簡直超熱，張生有時自己訓是要著短褲先頂得住。
我都估唔到咁暖，羽絨被都無咁勁。
都唔知點算，可能又要換返第2張薄被


床褥搞掂後，又過幾日，電視、blue ray機和掛牆安裝配件都各自送貨了，再等到上星期六下午，師父上來順利安裝好電視。

Yeah...我們的40" TV，睇緊Supernatual Season 8
他哥哥第二日再上來幫我們較好d天線，現家可以同時開2部電視睇高清台，都唔會有任何干擾，重俾張生發現睇到有線台，但轉台都要係廳度轉返，原來是他哥之前已駁左有線台output，所以我們睇到有線是他哥的幫忙，哈哈！！謝謝他！！


由於青衣山頂的關係，房既view是整個青衣加對面海中環。

 

終於完成了一個大項目，歷時差不多半年時間去準備，現家終於搞好了，正！！
(雖然我地是東南偏東，不是西斜，但我們樓層高，加上山頂樓，太陽一出來，無遮無擋，早上我塊窗簾布完全了其發揮功效。)

最後還有99買的書櫃，我快速地放置了我其中一些的嫁妝—Forever Friends，還有一半係我家，哈哈，舊同事兼好朋友之前不斷買，幸好現時不會再買，我亦沒有位置放喇！


張生就霸了右2格，全是他的旅遊書，下面櫃就放置了他所謂的唯一興趣、每年郵局出的紀念郵票。=.='''''
其餘果d就6299放置他們一大堆的相片和其他雜物，雖然整體唔match，不過無所謂丫，大家每人有唔同格，互不侵佔，哈哈，但呢個櫃現已搬回去窗邊，之前個舊衣櫃未掉，所以當晚暫時放在這裡。