8號風雨下之調理@中醫2

講返上個月月尾m已正常，但都要去睇中醫調理，睇左何醫師，飲左4劑後，戲肉就係m day 1竟然無痛，我之前個個月都痛得要命。
如出外的話，一開始痛就要食止痛藥，有時係公司頂住捱幾個鐘都重可以唔食。

今個月day 1唔痛，只是feel到肚脹，真係開心到暈，老公重話我今次無水腫，因我通常m day 1未谷到個日，個面會好腫。

真係太好，上次睇中醫，知道所有濕毒ga野都唔好食，亦揾到致命係之前吃得太多榴槤。
所以呢陣子重戒得多野，不過蝦蟹都戒唔清，62個個星期family dinner都煮大餐，勁多海鮮。

今個月m原是正常，點知完左幾日，
今日又有回頭，上星期二已想去睇，怎知中醫放假一星期，好彩我打電話去booking..先知放假，否則摸門釘就慘。
之前想去見大雨諗住遲一星期，又撞正放假，所以到今天先去到睇。

話說今晚天文台話掛8號風球，今次真係風雨不改。
最慘今次重大雨過上次，我把新傘都爛埋。

我book到8:45，但可以早到排，今次快好多，雖然籌號同上次差唔多，藥方只是加多一樣藥，直接取藥，6:40到，7:50走得。

今次最開心係醫師無罵我，哈哈。
他把完脈，就問我今次m有無痛呀？
我話無呀。
他話咁咪好囉，經期完左未呀？
我話原完左，今日又有回頭。(好擔心的表情)
他話無事，殘餘姐，女人係咁，成日啡啡黃黄，就算排卵期回頭都係咁。
我話我擔心影響。。。
他話無影響，無事，好正常，排卵期到照做。

哈哈，我今次好開心，雖然過程只是2分鐘，我以為又要寫藥方，他重叫出來，叫我直接去羅藥就得。


我會繼續戒口，努力！！！
重有好彩8號仔未到，讓我平安回家。

老公生日@九龍酒店buffet

星期六晚又去了吃Buffet，一星期吃了兩次，真的完全超標。

星期五我們係娘家切了蛋糕，星期六晚我地再去九龍酒店吃buffet，星期日晚老爺再係家煮9大鬼幫我老公、他哥嫂3個一起慶祝生日。

但我覺得九龍酒店的水準差了，這個價錢吃這樣的質素，好像有點差。
我地前幾年講u時，放學後來這裡吃宵夜BUFFET，當年百幾蚊的價錢，我真係覺得超抵，因吃既款式同晚餐是一樣的。但現家俾正價，我覺得好吃抵。

我們上月係九龍珀麗酒店，反而覺得抵食得多。九龍酒店係珀麗既double價錢，但食物供應少，長腳蟹剪得碎碎，魚生每次都只是切幾粒，熱盤唔會轉款，焗蠔雖然都有，但好細隻。唯一好d就係甜品都ok，同埋有個靚湯(花膠竹笙鮑片)。

但相比澳門自助山，九龍酒店真係好唔抵食。
貴既buffet都唔一定好，平既反而更好食物供應給顧客。

祝我老公生日快樂，身體健康，工作順利，願望成真

西醫後又中醫

之前自己間唔中睇的中醫係大埔，但由於是幾款煲好的茶再加藥粉，我上個月尾飲左7劑，雖然今個月M回頭問題好了點。
但都想睇多個醫師，比較下論症，加上我唔想只飲一種茶，因有當歸味，始終飲太多唔知適唔適合。

係另一blogger內看到她都有去中醫，看了後，覺得這個中醫好像不錯，但之前想睇左西醫，確認左子宮無任何不好的野先。
所以上星期三睇完專科確認無事，星期四晚就去大圍睇中醫。

雖然有地址，但去到田心村，真的唔識路，問左3轉人先叫搵到大約正確方向，搵到時，發覺自己落天橋後圍住個田心村行了一個大圈，轉來轉去，原來那裡正正就是天橋到，對住馬路的位置。

我6:40pm到，當時已有好多人排緊隊睇，我6點打電話去問時，她話已經睇緊，我又無預約，原來預約左係會快好多。

終於見到何院長，一個都大年紀的醫師，好有自我脾氣和風格，我一坐下，他就問我胃有無唔舒服，去唔去到toilet，又問經期係咪亂晒。他又講了我唔吃得既東西。我就話前兩日無，但呢兩日有，上個月就亂晒，今個月好d。

跟住我最衰就問呢句，我之前睇開既中醫話我好虛寒，叫我煲一d紅棗北"其"黨參個d來飲，跟住他就罵我

，話我個底根本就係濕熱，虛咩...........又問我你訓唔訓到，我話好多夢發，他話咁咪即係唔岩囉。
他寫好藥方，我想問醫師，我想生.....他就話你唔識我咩，我睇咩架，我話d人生x生x都是睇你，他話咁咪係囉，我再問幾時覆診，他話你鐘意囉...........><

出到去俾個副醫師抄方時，何院長出來toilet，見到我重要再話一次，他跟他副醫師講，她之前個中醫話她虛喎。
個副女醫師就跟我講，你係濕熱底，你子宮太濕熱，所以亂了。她話我唔吃得毒野，如mango, 榴槤，牛、蝦蟹.............
Oh...我之前吃左好多榴槤，她話咁對個子宮唔好。雞湯都唔飲得，副醫師話現家唔可以補住，大獲，我還托我弟係參灣買了一盒滴雞精，只飲左兩包。


雖然俾他罵了一番，但至少知道自己唔岩飲那個湯，去睇中醫前一晚剛好飲晒，那之後就唔再飲吧。

睇完羅埋藥都8:15pm，回到家都9:30pm，當晚煲了第1次，2碗份量好難就，煲完後2碗大半，飲左3晚，覺得面上既暗粒少了，當晚去睇時，當日我衰手多，chi暗瘡，副醫師話我飲得太多補野，暗瘡都谷晒出來。其實係我chi到紅晒。

今個星期會煲埋第2劑，下星期再去睇他吧。
下次帶埋老公去睇下他，當清下內裡都好。

希望來緊8月既週期是完全正常。

身子亂了@回復正常

上2個月的M回頭，尤其6月回頭得好像沒停過，看過一次中醫，喝了7次藥，今個月的M量好像收了點，回頭情況亦相對好了，但由於上星期初又有回頭的情況。
心裡不禁一沉，所以連忙跟朋友羅了她上年看的專科醫生。

上星期book，都要今個星期三才有位，因專科醫生只有一三五才到診所。

幸好的是這個幾星期又突然回復正常，一點也沒有，漸漸又穩定下來，雖然要等一星期才看醫生，但心裡壓力少了很多很多......
沒有回頭，心裡壓力已少了一大截，公司亦陸續請了新同事，亦接受了好感情的同事的last day。心裡的情緒這陣子都放輕不少。

今日去到診所，真的開始有心寒的感覺，同醫生傾完後，心裡已放下，到做照聲波時，醫生話一切正常，無任何水泡或其他唔好既野，子宮壁厚度亦屬正常。
卵巢位置亦ok，排卵因我有用試紙，平均12-14日，醫生話都正常。

我安全起見，都問左醫生羅藥，醫生話我想要bb，所以他唔會開避孕藥，開了一此黃體素藥給我，有需要先吃，醫生話其實唔吃藥都得，1年有幾個月唔正常唔奇，人既情緒有up and down，荷爾蒙會跟著情緒起伏變化。所以唔吃藥都得。不過我安全起見，羅左先。

我上個月尾看了1次中醫，現家回想都有幫助，今個月回頭好了，始終中醫角度話我好虛寒，加上喝完中藥後，亦跟據醫師講既料來煲湯飲，飲了2次既份量(10天)，回頭都沒有了，這陣子我亦好乖地戒晒所有生冷野、奶茶、連涼性既湯都無飲。

除媽媽煲的准山四味湯加黃鱔、老爺幫我煲既醫師講的材料湯茶外，我所有湯都無飲，尤其是鮑魚湯一點也不點，但99就每星期飲都無事，真係人人體質不同。

醫生亦叫我不要太大壓力，就算一對正常夫婦，一年懷孕機會只有80%，2年只有90%，所以要放鬆。
我的年紀亦不算是高齡，所以叫我放輕鬆，所以他話連黃體素藥都可以唔使吃。

我希望我能再relax d，放鬆d，慢慢再養好身子，儘快有好消息。
看過西醫安心後，我暫停了的中醫又可以再去睇一睇，明晚去blogger那個田心中醫睇一睇，我想跟我之前睇過的中醫比較一下。

我會繼續努力戒口，養好身子，努力去達成我想的..

感謝主的保守，讓我一切正常！

悠閒一天遊@Macau

每年都會去澳門一次，因今次星期一過去澳門，加上只有我倆去，最後都選擇即日來回。

今次都係印醫療券和換購蛇鈔。
另今次就幫我細弟換身份証，好搞笑，用了幾年的身份證，上個月先發現出錯日期，要換一張新的。

我們一早坐9點船，做好正經事都係12pm幾，因今次想試自助山，要捱到6pm，所以我地就去返氹仔那邊的賭場行下，休息下。

新葡京的自助山都不錯MOP280+1，初時還擔心相比幾年前的質素會錯左。但到現場又唔係，海鮮好新鮮，其他熱盤又好多，甜品都好正！！

去相睇睇實物！！哈哈

Newyork cheese cake好濃好濃的芝士味，好好吃，相比香港buffet cheese cake，那個濃郁質感好正！
羅氏大蝦，live cooking，好大好大隻，有蝦鉗，d肉好新鮮！
重有鮑魚、鐵板牛扒和帶子，都係讓人食到唔食，$300價錢可比美到香港5星期4xx-5xx，唯一呢期無左長腳蟹和生蠔。因不同時間不同食物供應。
下次想試下群芳，但真係好爆，下午參觀過lunch buffect，又好似無咁多野食和無咩新鮮即煮食物，但真係超full。

下午去Galazy逛一逛，消磨外邊的炎熱天氣。

 

身子亂了

結婚後的生活，都起了很大的變化。

很多結婚後的相債，旅行相債都還未清理到，但就貪心地想快快進行另一回大事。

結婚後想作的大事，應該大家都能估到。

可是自己可能過大壓力，越急就越出事，搞到M都亂了，呢兩個月不停回頭，6月簡直好像沒停過似的。
私事上為左想快成事，無形壓力很大，公事上人事變動很大，短短2個月就有4個同事走了，工作量比之前大了很多很多....情緒上亦不大穩定，一來太多野做，二來又唔捨得好感情的同事。

6月尾睇了1次中醫，她話我好虛寒，這樣的身子要調理。

喝了中藥後，量還多了一點，心裡都不其然更害怕。

剛剛的7月初係另一週期開始，每月的M痛都很利害，有時試過太痛要吃止痛藥。

今次的頭2天的量得多，但到了這幾天，量開始似尾了。

我已不斷叫著自己放鬆放鬆，戒了所有寒涼飲品，現家只喝熱華田、中醫話連一些滋陰、瓜菜湯都不能喝，一律戒晒。
這兩個月，媽媽和老爺都每個星期煲鮑魚湯，中醫話我連滋陰都唔得，所以不知是否我喝得太多呢d湯。

現家就只喝她叫我煲的茶來喝，材料都是簡單。
另外見到好多台灣媽媽都飲滴雞精，弟弟剛去台灣旅行，就叫他幫我買了一盒。星期六剛試了一包。味道不錯。

我希望M不要再回頭，自己能放輕鬆，讓週期變回正常。

結婚後的生日

這樣又大一歲，老一年了！哈哈！！

婚前婚後的生日，我倆都是吃餐飯便算了，因這幾年為了儲錢，都不願再大花錢，加上老公d錢都係晒我度。
哈哈.....所以我倆都不會刻意係節日裡送禮。

遇到有想買的東西，兩口子相量後，便會買。哈哈！！

是晚試了九龍珀麗酒店，價錢$268+1，這個價錢有長腳蟹，我最愛的blueberry cheeze cake，時間還要無限制，我覺得真的值得一試。加上吃完後，奧運站很方便，2,3個站就快速回到家。

真的好抵，熱盤還會轉款的，真的不錯的酒店。

最驚喜是，俾錢時，發覺只需$482？！？！
我以為看錯，原來他們剛做緊一週年慶祝8折。

HKD240@ 吃到這些，真的超抵呀！
大家可以去試下，做到7月尾。

婚後的一個月

回顧這差不多的一個月婚後生活

一個字~~忙爆

還比未結婚前的一個月更忙。

除適應新生活，工作都特別忙。
一星期都有幾晚係家吃飯，現家吃完飯會幫99洗碗，如有時老公夜收工，我都會等埋他先一起回家吃飯，自己行下青衣城先。
都有試過同6299 3人吃飯，關係都唔錯，其實現家生活都無咩大分別，都係放工回家吃飯，有老人家一起住，其實真係好好多，自己都不使理任何家務，只需幫手洗碗就得。所有家務、衣服99都會做晒，回家吃過飯睇下電視就沖涼回房睇自己tv。
大家相處都無衝突，唯一家用問題都叫做雙方達成協議，傾好了。
來緊大家一起去旅行，希望都相處融洽。

娘家就大轉變，兩間房佈置轉換了，2個弟都有書台，媽又有新床和新衣櫃，連廳既組合櫃都轉了。油漆後，兩間房都新正了好多。
我都抱怨媽，我一搬就換晒d傢私，哈哈！！

4月真係忙爆累爆的一個月：

30/3結婚後，2/4一返工就開始5日燈展的事宜，企足4日，中間厧還要娘家兩邊走，累到喊。
我一搬走，媽就將兩間房大轉，買過新傢私，還將兩間房油漆一次，我因為展會，派了老公去幫手拆床，大弟負責油漆。

到了12/4，又開始電子展，又係去足5日會展，星期日晚又趕去娘家，送傢私。
連續2星期都超早起，無放過假，真係又累又眼訓。

19/4又要上廠驗貨，雖然可以早d收工，但又係超早起和頻撲的關係，感冒頭痛地渡過唯一有假放的週末，但呢個週末都係無得休息，星期六長週，在巴士上睡過了2個站。
20/4星期日，又一早跟6299回老公鄉下，探望98歲的伯娘。這日在旅巴上係咁睡，但頭就痛到止不了。
我病又到老公病，他喉嚨咳，呢個星期都睇醫生吃藥，我就好彩叫做吃了兩日藥就止了。

好不容易捱到這4月的最後一星期，這星期不斷忙著工事，又係娘家兩邊走，因媽媽都有意無意想我多回家。
昨日下午終於忙完條大單，總算順利出貨。

下星期一原打算放一整天，但由於1840機，其實返半日工都好，留d假之後用，因呢次去旅行已用了我今年所有大假加婚假。
今年只剩下展覽會的補假。加上老公都會返半日工，所以都係返半日回家再去機場吧！

行李其實都忙到還未執好，但gip和一些用品都放了入gip，但老公、6299 d 行李都重未執，唉，星期六明日短週，要執好所有行李。
因星期日又要回中學幫手搞活動，晚上又回娘家，沒多時間了。