倒數一個月@緊張又刺激

 

由於2月是新年的關係，加上進入直路，開始日日忙不同既繁碎items，真係搞到人都癲癲地。

首先睇一睇新年前到現在的不同工作項目，哈哈！

Print 100的相薄係千辛萬苦下終於完成。
整完1st version，點知又同時買了新電腦，換了腦後，原來整個file都無左，d相無晒source，跟住原來又無upload到
好彩張生搞了一晚後，搵回了個file，唔使重新排過版 (排左幾日版，好苦=='')，但d相無晒source，幸好同一file既相，抄返1張後，其他會自動抄回位置，咁都無咁慘。
終於成功upload完，又話唔岩位，又要再搞過，來來回回upload左幾次先完成，真係有驚無險！

14days後取相薄，品質唔錯，相片好清




同日終於羅埋沙國婚紗相薄，油畫框就今個星期六先訂，為左省錢，搞到自己近來係咁搵相架，
好彩大中細相既相架係Jusco living shop已搵到。

另外Korea Prewedding 相薄都羅左，但仍未有時間影相，油畫做錯了，幸好下星期可以羅返岩既油畫。
近來晚晚就忙成長片段，自己製作真的好苦，太多相.........

14/2/2013 ~ 越接近結婚，就忙到咩節日都隨便地過。
2/2/2013 ~ 5週年 = 張生家團年飯，哈哈，唔緊要丫，開心就行了！

近呢個星期不停製作兄弟遊戲道具、姊姊開門支票和愛的宣言板，今日可以去bannershop羅成品，wakakka....

終於笋崗遊!

 

一過關以為係羅湖商業城樓下巴士站，原來係另一邊，即一出羅湖關口左上電梯再落橋底的巴士站 。
巴士18號 RMB2，火車站西廣場>>笋崗倉庫，8個站好快到！


立興係A棟，一行入去左邊就係，但舊店好窄又多人


老闆/職員哥哥話帶我們幾堆人去新店工藝城4樓，那裡真係任揀、齊款又闊落。

 

 

 

右邊灰衫那個疑似老闆/職員哥哥，好好人。


原揀了第2款，但俾完錢後見到人地試第1款，望落去第1款傳統d和靚d，所以又係個gip度羅出來換，哥哥好好人幫我換。

買到又full gip

買完立興，就係那A,B棟行下街，不過d野好貴，又唔係好品質，咩都無買到。
 

跟住去左東門，只買到2個Note 2 Lte底殼

 

 

 

 

 

哥哥俾的新咭片

 

 

 

 

戰利品RMB631>603，正正！送了2包紫色利是封，遲d再補過清單。

裝修完成了@our home

 

 

裝修轉眼間就過了23日，終於起貨了。
因我地要星期六先得閒上去睇和收貨，所以到上星期六24/11先真正收貨，當日我長週要返工，所以張生跟2老飲完早茶就上去睇樓。
其實都唔使點睇，因我地上星期連續2晚羅窗簾棍上去都睇左，大致上無問題，係門框那隻"巨"木色淺了點。

收貨時的色都係淺了點，但肉眼睇是深d既，觀感上會好一點。
星期六張生和2老已打掃了一次和抹了一次窗，但下面那幅是星期日我上去看到的情景。

 

上星期日，我地由11am到9:30pm，我不斷吸塵、掃地，抹地不下幾十次。間屋清了3間房，廳中既雜物亦移動了。算是搞好7成。
 

當日重要勁潮濕，天呀！11月係呢d天氣嗎？

 

hehe~~我係燈展買的房燈，我係實惠見到純白色膠都要$310，但係燈展只需$30，但我當時唔敢買，唔知2老喜唔喜歡。
我呢盞連3個慳電膽都只是$80。重有我地條窗簾棍又裝好了。
 

他哥哥全日不停鑽孔裝窗簾棍、房燈、砌床、還幫我們鑽孔裝電線入房。他忙左一整天，咩都識做，好勁呀！感謝！！
右面是我們的大房，我終於清理好晒d雜物和打掃乾淨，他哥哥幫我地拉好TV天線、電話線和上網線，正！




鑽了13吋半厚的牆，第1個孔撞正鐵柱，半小時後都唔得，唯有鑽另一位置，一鑽不用2分鐘就搞掂，總共鑽了2個孔。


星期六當晚去唔到一田，好彩我的伴娘和姊妹好朋友幫我買了呢套Forever Friends的床笠。hehe~~我買下買下有2套casablanca，1套casablanca龍鳳被和以下的forever freinds。

呢套係第2套casablanca 530針 $400@ Casablanca太子開倉店，第1套係360針 $279，但唔記得影相，遲d補返相。

明天星期六紅蘋果傢私可以一次過送晒來，正正正！！
以下是我計劃擺放的圖，hehe~~~不過實物因要就吊櫃高度，所以矮了一截。唉！！=.='''''

另外未來99買了以下櫃放到廳，hehe~~~我要霸最頂個格，放我d forever freinds公仔，彌補我書桌少了一格玻璃櫃。

99話ROCA新廁所都係今個星期三換好了，
現家重有床褥和TV就下星期三和六才送來和安裝，窗簾布今日就有得羅喇，明早羅完窗簾布，又回去再清潔一次，下午就等傢私送來安裝喇！
搞好後，再俾個完成版俾大家睇。哈哈！！！

而張生寄居了我家亦1個月了，明天他正式搬回家喇！
我好多謝我的6699，多謝他們咁大動作來個大裝修，因為裝修，好多舊衣櫃都掉了，裝修後，又有2個櫃都留不了，又要買過，使下使下都使了唔少錢。
雖然是簡單裝修，但現家成間屋既感覺都好新正、舒服，我現家連居屋都唔想抽了，一直住到將來才打算。

希望你們兩老身體健康！4個月後大家相處融合！！

絲花球@pre-wedding

 

 

 

於8月中，係優惠期就快完的時候，就快快確認了花球的顏色，之後想揀紫色、香檳金，最後都揀了淺粉紅色。
因為pre-wedding要買定花球，所以一早就開始search定花球的資料和價錢。
淘寶花球一般約RMB2XX起，計埋運費都唔平，加上有d網友話會被壓扁或與實物不符，所以都係想係香港買。

呢個花球除左影pre-wedding外，於big day當日會用作拋花球之用。


但落訂後，淺粉紅無貨了，用了深粉紅代替。

店主好好人，叫我到店舖睇香檳金和深粉紅實物，再確認揀咩色。
到最後，都是揀了深粉紅，因店主和我們都覺得深粉紅影相出來的效果好出。

超抵價$138，平過淘寶，加上人手製作，手工得好，不會運送時被壓扁。




深粉紅影相的效果好出

店主手工很好，雖然是特價貨品，但手工是一樣認真的。






自9月開始，優惠價過了，現家要賣$198@。

以下是店主facebook網址，大家可以去睇睇她的花球和呢款花球的其他顏色。
http://www.facebook.com/#!/Sumflower888?fref=ts

Our Casablanca 龍鳳被

 

雖然重有大半年的時間，但一直都search緊龍鳳被的款式、價錢，去過Jusco/千色店睇過，價錢和款式都是差不多。

呢款是Casablanca 龍鳳被，我地都較為喜歡呢款，因被袋是雙面唔同花，用耐了可以轉另一邊無囍字的那邊，加上是桃紅色，無咁紅。

係Jusco見到的實物正反面，好靚呢！

 

雅芳亭好貴，但質地真的好舒服。

呢款係Polo，暗花，床單是淨色，約5xx針，都有諗過買呢款，因無囍字，之後可以用得返。
 

8月頭剛巧撞到Casablanca 專門店清倉大特價，當日就跟bf去太子始創的專門店睇睇有咩大特價優惠。

買了一套360針淺紫色床單被袋 $279，真的好抵，雖然係360針，但感覺都好滑，其實有牌子的床單，質量都會有返咁上下，就算Jusco/千色做特價都要$399。

另外再問問龍鳳被的價錢，一套連被袋就$959，唔要被芯就只是$850左右，兩者都有9折，因Jusco那些折實都要$959，現家有再9折，其實都平d。
所以最後都買埋龍鳳被套。