Chocola BB Drink for Pre-wedding

為了開始陸續影Pre-wedding，加上上個月要購物滿$500換機票。
買元30支Chocola BB 來飲。現在重有2支，但昨晚掛住影相和整野，忘記了飲。

呢支BB drink其實係之前facebook做promo，送3支，加上6月婚展又排了6支，又有買3送3，所以之前都飲過十幾支。
但它話最好連續飲28天，因皮膚是28天更新。

未飲呢30支前，個排皮膚真的差d，飲左頭一星期，皮膚是好了點的，至少無咁乾，因次次去Modern beauty做facial，都被話好乾。但飲左一星期後去做facial，美容師都話皮膚好了，但仍然乾 =='''

現家飲左30日，因之前剩左3支，夾埋一起飲。近來皮膚都唔太好，可能週期性不適的關係，不過面色確是紅潤左。呢支野其一功能都是令面色紅潤，因成支都是維化命B原。

飲完呢30支，諗下飲咩先，可能試下白蘭氏，因來緊又要飲定來Kore pre-wedding，皮膚呢家野，真係支出大。
不過為左皮膚好d，都無計丫。

運動方面，自年初約滿PHYSICAL後，就無再JOIN YOGA，其實我喜歡做YOGA，多過其他運動，不過貴同埋長約，所以就唔再續約了。

近呢幾個月，我亦儘量保持每星期做運動、之前有跑步、游泳，最近都唔跑步，之前見到有個網友話跳鄭多燕舞可以修身和腰，就轉左跳鄭多燕舞，第一次跳全身30MINS，流既汗還比跑步多，重有可以揀跳修腰39MINS，但有D動作真的好難KEEP到咁耐，不過始終係修身舞，感覺效果應該會好一點。

但近來幾個星期，運動只KEEP到一星期2次，鬥志越來越少了，做了運動幾個月，磅數其實真的沒有點減到，不過面和身確是修了一點，哈哈，算丫，做少少都好過完全唔做運動呀。