10/25 ~ 揀相日@France Bridal
那裡共97pcs相，其實攝影師可能都幫我地out左好多唔得既相。
其實呢97pcs裡面，大部分都影得好靚，尤其我的單人照，可是我只有15pcs 相，所以我好狠心地out晒我既單人照，揀了全是雙人照。
張生的無鏡片眼鏡太細，所以好易遮了他的眼晴。
他見到有幾張我的單人照，他都好想要，但都被我快狠準地out了。哈哈！其實我都好唔捨得。
初時只有我地2人自已睇相和out相，但突然姐姐就位，姐姐的妝好嚇人，全是藍色隱形眼鏡、藍妝，藍水晶甲、藍手飾。看到她的樣和她那濃香水加煙味，真的好嚇人又難頂。
她來到後就唔俾我慢慢睇，要我一次過揀好唔要既相。
我唯有再狠心d out相，out完後揀了17pcs，我就即話我再睇多次。姐姐就開始出聲，呢輯相影得好靚，唔同感覺既佈景、人像又影到唔同既感覺。
我都無理到。最後都out多2pcs，剩下15pcs，呢15pcs未必係最靚，但我希望每個佈景都揀1張，呢本相簿是用作紀念的。
15pcs相片
油畫，大中小油畫都唔加框，唔加錢保留原相size，就算油畫相無左6"都唔緊要，因都未必用。
相薄唔加大唔防水，保留現在細細本就算。
但講到買相，姐姐話如我地唔買相，攝影師哥哥好慘，因唔買相代表攝影師哥哥影得好差、等於投訴他。
其實攝影師哥哥影得好靚，影到我既感覺和pose都好靚，d pose係自己擺出來都有點唔相信和唔記得點擺返同樣既pose，所以最後我都買了4pcs相，共$520。
全單俾了$520。。。
張生其實預我揀30pcs和買相，他都估唔到我咁狠，他好心軟，原我只想買2-3pcs，他話買埋第4pcs，姐姐一見有位入，就會話呢張影到好似花樣年華既感覺、呢張個景影到係外國似的，外國既教堂，她一見有位入就會攝住左。所以張生一心軟就出事。
張生還想加$1000，將相簿加大(張相唔使裁太多)和防水，他又想揀我有幾張單人照，但我實在太快動作，拒絕了姐姐。
姐姐見我咁既格，都唔再sell和講太多。不過全程來說都叫nice service。都叫做唔錯架喇！我相信無人好似我咁連那15pcs($1950)都唔肯俾。
姐姐都好人，因我買相都係不包執相，但她私下幫我寫油畫那張相包執少少，都算唔錯，同埋我見到那堆相有10張相都加左效果，她話攝影師哥哥都對我地好好，未揀就加了effect。
現家諗返起，我可能真的太狠，有2張單人照真的有點後悔，pose和影既角度和感覺都好靚，未見過自己有呢種感覺，不過算吧。唔諗，唔想，唔記。
始終呢輯都係預來玩下，練習下，同埋唔好晒左個妝，用來自己影，Dennis幫我影個輯都唔錯呀。另外我還有好多輯pre-wedding相，唔需要晒錢去買相丫。
現家希望Picasso 都可以影到那些感覺和質素的相丫，哈哈！！
揀完相後，又要等4個月。
25/2/2013電話約羅相，再加10日時間羅相，即3月頭先見到實物。
2012年10月26日 星期五
囍貼@新婚印象
我問了如加牛油紙：$1@，價錢可以接受。
文字：1星期時間確認
印貼：1個月時間
大約預個半月時間，我都打算12月初要排稿。不過要同酒樓確認圍數，因每圍包8張，我地還未定15-18圍。
之前得閒d時，都已叫張生跟他爸爸寫一次人名表，因幾年前他哥那張人名表，好似鬼畫符，全手寫，無任何整理，我真係頂他唔順。
現家終於定了10/31開始裝修，人名表事情就要留待裝修後才可整。
唉，我開始覺得時間趕急起來，我唔想到最尾的3個月先來趕呢樣趕那樣。
暫時我地既進度都好好，但我有點擔心之後12月至1月要進行的項目進度。希望仍然是順順利利的！努力倒數來緊既最後3個月。
我都仍未揀定要第1定第2款貼。問埋媽咪既意見就確認。大家都可以俾d意見。
1) 細細張岩size，但呢隻紫色沉了少少，如揀呢款，會加牛油紙。
2) 暫以此款勝出，因喜好金色多d，呢張就唔使加牛油紙，因咭面既印花打開都見到，感覺都唔錯。
3) 呢個公仔款都唔錯，但呢隻金色怪怪地，張生唔鐘意。
2012年10月23日 星期二
Free Pre-Wedding @Bills Photography & UmiWedding
20 Oct, 2012 大潭free pre-wedding又完成了。
10月真的大忙，忙到現在仍繼續忙。
好不容易到了Oct 20，但又係M 1st day，點解2次影pre-wedding都撞到咁正？！？！今次係家化完妝開始劇痛，痛到未吃野就即0拍2粒止痛藥。
痛到連原定出門口時間都延遲了，化妝師幫我帶首飾都帶唔到。
幸好藥力好快就到了，之後又無事地上車了。
今次free pre-wedding，我真的好感謝以下工作人員：
MUA: Arisa
Photogrpahy: Bills
Helper: Kitty @ Umiwedding
你地好用心，好貼心地為我地影呢輯相，雖然free，但你地3人都好落力，無任何其他收費，照顧很周到。
多謝MUA Arisa的相片：
攝影師Bills好用心影的。
影完大潭，又到我朋友Dennis幫我地再影夜景@中環
今次除有Dennis，重有他的朋友一起影，但我倆到夜晚時，其實已經好累好累又肚餓，所以我睇初相，張生已經無表情了，哈！
相片要待1-2星期後就有得睇，因朋友影完第2日就飛大阪，Bills那邊就大約2星期。
昨日終於買好了傢私，因要改尺寸，所以2個衣櫃和書桌都要45工作天先可完貨。希望傢私件件都無問題，我真的有點擔心。因那個女人職員好似爭d，不過老細就醒目。傢私要改尺寸真係好麻煩，又怕自己度錯，又要左度右度傢私，確保自己無講錯訊息。
最煩就係原想用晒胡桃色：http://www.pricerite.com.hk/eshop/categories_three.php?categories_id=Furniture-Series-1116&cate_right_arr=Furniture-Series,Furniture-Series-1116
就到床，又就唔到書桌款和色，已決定好訂造書桌，點知有一個衣櫃個款又無胡桃，真係玩野。
到最後再諗諗，就轉晒成個色系為櫻桃色，而張床亦都夾係唔到櫻桃色，只有楓木色：http://www.pricerite.com.hk/eshop/categories_three.php?categories_id=Furniture-Series-1117&cate_right_arr=Furniture-Series,Furniture-Series-1117
買傢私真係一項好艱巨的工作，想一致性，但總是就唔晒。不過現家總算就晒同一色系，間房亦會光猛d。
床：楓木色
2個衣櫃：白和櫻桃色
梳妝桌和椅：櫻桃色
書桌：白和櫻桃色
來緊就會買埋窗簾布和緊木條、snowmax的床褥和枕頭，重有Samsung 40" LED TV....
不過呢d會待裝修開始左後，夾好時間先買。
2012年10月18日 星期四
Big Day @ Ringo Chau Production
係7月時，見到大學同學big day video，看了後，就知道自己搵到Wedding Day photography - Ringo Chau Production
因我呢個大學同學自己都要求好高，她的wedding好多野都要求完美，DIY得很仔細。
心想她揀得的big day 攝影，一定唔會差。同學那輯big day亦影得好好呀！原來Ringo都是她朋友介紹。
雖然Ringo是Freelancer，不過我覺得freelance影得無咁濫，出來既效果和感覺會更真緻。
同埋當睇到他facebook，先知道原來他和我舊同事是朋友，哈！世界真細小。
雖然羅儘了朋友價，都不是平很多，不過我覺得他給我個價都是一個很合理的價，他跟我講，他已加了價，不過是朋友婚禮介紹，所以都是報舊價。哈哈！！不知道是否好朋友價呢？！？！哈哈！！
因當開始確實結婚日期，就不斷睇big day photos reference，但都揀唔到好岩既人選。
要同時兼顧：
相片質素
相片內人物動作捕捉
價錢
相片感覺
有d覺得好靚，但big day還比pre-wedding貴，要17800-2XXXX
有d影得都ok, 但都要$12XXX
有d好junior，就$8XXX
因之前我覺得big day 2P1V都係約$8000-$10000
當睇到Ringo的相後，張生覺得他真的是用心去影，相裡的人物表情流露，捕捉得很好。
所以很快就確認了他喇！
他的期都好full，我朋友的13520想找他，但他都已經有schedule了。
Below is his facebook:
http://www.facebook.com/home.php#!/ringochau.hk?fref=ts
因我呢個大學同學自己都要求好高，她的wedding好多野都要求完美，DIY得很仔細。
心想她揀得的big day 攝影，一定唔會差。同學那輯big day亦影得好好呀！原來Ringo都是她朋友介紹。
雖然Ringo是Freelancer，不過我覺得freelance影得無咁濫，出來既效果和感覺會更真緻。
同埋當睇到他facebook，先知道原來他和我舊同事是朋友，哈！世界真細小。
雖然羅儘了朋友價，都不是平很多，不過我覺得他給我個價都是一個很合理的價，他跟我講，他已加了價，不過是朋友婚禮介紹，所以都是報舊價。哈哈！！不知道是否好朋友價呢？！？！哈哈！！
因當開始確實結婚日期，就不斷睇big day photos reference，但都揀唔到好岩既人選。
要同時兼顧：
相片質素
相片內人物動作捕捉
價錢
相片感覺
有d覺得好靚，但big day還比pre-wedding貴，要17800-2XXXX
有d影得都ok, 但都要$12XXX
有d好junior，就$8XXX
因之前我覺得big day 2P1V都係約$8000-$10000
當睇到Ringo的相後，張生覺得他真的是用心去影，相裡的人物表情流露，捕捉得很好。
所以很快就確認了他喇！
他的期都好full，我朋友的13520想找他，但他都已經有schedule了。
Below is his facebook:
http://www.facebook.com/home.php#!/ringochau.hk?fref=ts
2012年10月16日 星期二
Ours @ my room
一連四天的電子展又完成了。
今日是電子展最後一日，幸好老細個客今早才到booth,與老細開會。開完會，第一時間睇下有無電器賣。
由於時間不多，只夠看風扇，快速地買了兩把，跟住還買埋蒸氣熨斗。
懷舊金屬12"風扇：$160 >>$150
膠12"風扇：$60>>$50
蒸氣熨斗：$200
但到我俾錢時，我再講價，由$380>>$350>>最後只需$330 (還要送埋右下角的小風扇)
hehehe......除膠風扇買給媽媽，其餘都是我們之後用的。哈哈..................
今個星期六日都好忙，星期六影大潭free pre-wedding，夜晚就朋友影中環夜景。
星期日就要開始買傢私，因有d要改尺寸，需45天的時間，來緊月尾開始裝修，11月尾就完成裝修和送貨。
10月咁又過左半個月，呢個月真的過得好快好快，越忙就越快過，好快又去韓國喇，好開心、好充實！！
[分享] 愛的宣言
******資料來源: 網上******
我，(新郎名字)，以畢生積蓄、資產、名譽向我太太(新娘名字)作出以下承諾：
甘心不愛其他人，一生只愛你一人。
苦茶、涼茶等我黎；燉品、補品任你飲。
與你年年去旅行，去完亞洲、去歐洲。
共同商討大小事，定案拍板你話事。
白金卡都任你碌；埋單找數入我數。
頭先、幾時講過乜，保證以後都記得。
偕子與你重健康，保持矯健好身手。
老來挽手遊花園，嘆茶、食飯、拍下拖。
以上承諾之解釋權由我太太(新娘名字)所有，我絕無異議。
______________________
承諾人：(新郎名字)
20xx年x月x日
=======================================================
今日我想娶老婆 嫁我好處多籮籮
以下承諾聽清楚 包妳幸福笑呵呵
家頭細務我做晒 保證妳實唔使捱
家用準時俾到足 交晒份糧唔會縮
名牌任買隨得妳 最緊要係你歡喜
唔嫖唔賭唔食煙 同friend飲酒問你先
見到靚女掉頭走 有女埋身唔會”鬥”
對妳家人好到痺 有乜幫手冇皺眉
老婆order一定聽 如果唔係實瞓廳
老婆做乜嘢都啱 打我罵我冇拖還
就算我做乜都錯 決定娶妳實冇錯
在場各位請見證 我愛(新娘名)不變情
立此承諾誓不變 求妳應承嫁俾我
=======================================================
老婆我會好愛你
日夜都會氹下你
唔會黑面返屋企
以後都唔話你肥
搵到錢係托你福氣
洗錢梗有你道理
DREAM HOUSE一定買俾你
司機工人誓要請俾你
雖然暫時請唔起
准我做住你亞四
洗衫拖地我做得黎
任勞任怨NEVER SAY NO WAY
全世界第二幸福會係你
最幸福嘅人當然係我
=======================================================
一見鐘情愛上你 二人世界我和你
三生慶幸結識你 四處奔走為找你
五種感覺形容你 六點起床想起你
七卡鑽石常贈你 八字最夾我和你
九支玫瑰送給你 十全十美就是你
日後全家我孭起 遮風擋雨全為你
家用準時俾哂你 家務唔會交比你
憑我全力保護你 更會愛錫你屋企
痴心一片(新郎名) 一生一世只愛你
=======================================================
昨日幸運遇到您，迎娶您是我福氣
欣賞您的內在美，劣質港女冇得比
港女港女全no way，通通都要靠邊企
唯有老婆最ok，內外兼備最完美
唔願做名牌奴隸，知慳識儉有智慧
處事大方兼得體，對人尊重又有禮
絕世好妻得呢位，娶左(新娘名字)確係威
今日升呢做老公，一定將您錫到燶
幸福點止這分鐘，以後生活樂無窮
=======================================================
今日有幸娶你走，親戚朋友拍晒手，朝七晚十做到嘔，為口左頭家唔駛抖，
工作需要周圍走，靚女成日身邊走，見到一定掉頭走，吹多兩句實自首，
供人供車又供樓，全部唔駛你幫手，長實匯豐幾萬手，全部梗係你抵查手，
老婆命令向左走，笠水唔敢向右走，經濟大權在你手，我仲邊度有的走，
為了與你同白首，戒色戒煙又戒酒，洗衫煮飯無停手，斟茶遞水好幫手，
車出車入唔擰頭，仲要做埋賽車手，食過夜粥有身手，勁過Ｄ金牌打手，
推油搥骨有一手，爽到你唔捨得走，三年抱兩你話事，係仔係女唔介意，
你要去街探朋友，包埋的士四圍走，自從拖著你的手，此生決定不放手，
細水長流漫漫走，永遠與你長廝守， I LOVE U
=======================================================
我愛(新娘名字)情不變
一生為奴無怨言
買餸煮飯我做先
洗衫拖地我都掂
每月人工俾晒妳
我D零用由妳俾
名牌任買隨得妳
最緊要係妳歡喜
唔嫖唔賭唔食煙
篤波賭馬問你先
生仔生女隨得妳
請埋工人去幫妳
對妳家人體貼又入微
歡迎外母住埋我屋企
日日Check住我有無蝦妳
對妳我就溫柔到痺
生生世世陪住妳
總之我由今日起
生命裡面只有妳
立下此誓永不變
(新娘名字)、(新娘名字)、 我 愛 妳
=======================================================
愛妻十條
一. 老婆沖涼時要量好水溫，捶骨擦背 : 不得有貪圖私慾之行為。
二. 老婆掃貨時要勇於付款，幫手拎野 : 不得有不情不願之行為。
三. 老婆煮飯時要讚不絕口，食多幾碗 : 不得有厭三厭四之行為。
四. 老婆訓覺時要炎夏扇風，寒冬暖被 : 不得有打呼搶被之行為。
五. 老婆訓話時要兩手貼緊，立正企好 : 不得有心不在焉之行為。
六. 老婆不在時要朝思暮想，守身如玉 : 不得有偷雞摸狗之行為。
七. 老婆敷臉時要提供方法，以身試法 : 不得有哈哈大笑之行為。
八. 老婆生氣時要扮豬扮狗，討你歡喜 : 不得有不理不睬之行為。
九. 老婆打我時要任其蹂躪，謝主隆恩 : 不得有還手瞪眼之行為。
十. 老婆審問時要發誓賭咒，以表忠誠 : 不得有漫不經心之行為。
=======================================================
《愛的宣言三字經》
諗番起 初見妳 覺得妳 靚到痺
我決定 愛定妳 拍拖時 我追妳
追到我 索哂氣 追倒妳 我運氣
肉麻話 唔怕痺 我照講 來冧妳
應承妳 結婚後 朝朝早 我先起
煮早餐 等住妳 番工前 錫啖妳
妳番工 我送妳 妳收工 我接妳
要加班 我唔理 一收工 番屋企
唔可以 淨得妳 一個人 悶悶地
一定要 陪住妳 妳話凍 攬實妳
妳話熱 開泠氣 有咩事 我撐妳
臨訓前 唔鍚妳 妳罰我 唔扲被
一出糧 俾哂妳 鍾意咩 買比妳
唔夠錢 我黎俾 有假期 實陪妳
妳睇戲 我買飛 妳遲到 唔怪妳
但我遲 罰我企 做錯野 激嬲妳
由得妳 發脾氣 妳話咩 就哂妳
我去玩 預埋妳 娶到妳 我褔氣
俾心機 照顧妳 我對妳 唔做戲
講真話 唔呃妳 不單只 淨愛妳
重愛埋 你屋企 總知一句 我愛妳
=======================================================
各位親友同街坊，我有野同大家講！
小弟今日小登科，你地應該恭喜我！
千辛萬苦追到個，全港至靚嘅老婆！
其實佢肯嫁比我，全靠以下規條喎！
今晚新婚第一課，老時重溫笑呵呵！
生意應酬唔會多，時時為妳做按摩！
愛妳主意多籮籮，愛妳體罰我個蘿！
妳要Chanel同Jean Paul，用我張咭去入貨！
一聲下令洗廁所，更多家務都做妥！
個個話妳好鬼傻，多謝妳肯嫁比我！
=======================================================
今日我要娶老婆，開門利是唔怕多，
姊妹遊戲一籮籮，玩謝新郎未驚過，
兄弟同心實掂當，娶到(新娘名字)笑呵呵，
應承妳我會改過，壞習慣放垃圾籮，
零用錢我唔使多，總之D錢俾老婆，
洗衫煮飯俾晒我，妳係屋企嘅女王，
沖茶揼骨去廁所，妳話OK我唔囉唆，
生仔生女幾多個，妳話幾多就幾多，
總之老婆唔會錯，有錯都係我嘅錯，
今日娶硬好老婆，誠意真係重夾多，
(新娘名字)(新娘名字)嫁俾我!
=======================================================
(新郎名字)今日娶(新娘名字)，永遠會記得這天。
當初追求機會微，幸獲紅線套指尾。
婚後生活很完美，男士必定會妒忌。
每日三餐我預備，廚房是尹芝禁地。
每月休閒及遊戲，尹芝出席我暖被。
每年旅遊上飛機，費用全由我處理。
每分每秒想著妳，夢裡亦會笑微微。
每逢爭吵淚流漓，自動自覺去罰企。
讓妳錫妳至古稀，一生一世愛錫妳。
2012年10月8日 星期一
絲花球@pre-wedding
因為pre-wedding要買定花球，所以一早就開始search定花球的資料和價錢。
淘寶花球一般約RMB2XX起，計埋運費都唔平，加上有d網友話會被壓扁或與實物不符，所以都係想係香港買。
呢個花球除左影pre-wedding外，於big day當日會用作拋花球之用。
但落訂後，淺粉紅無貨了，用了深粉紅代替。
店主好好人，叫我到店舖睇香檳金和深粉紅實物，再確認揀咩色。
到最後，都是揀了深粉紅，因店主和我們都覺得深粉紅影相出來的效果好出。
超抵價$138，平過淘寶，加上人手製作，手工得好，不會運送時被壓扁。
深粉紅影相的效果好出
店主手工很好，雖然是特價貨品，但手工是一樣認真的。
自9月開始，優惠價過了，現家要賣$198@。
以下是店主facebook網址，大家可以去睇睇她的花球和呢款花球的其他顏色。
http://www.facebook.com/#!/Sumflower888?fref=ts
自9月開始，優惠價過了，現家要賣$198@。
以下是店主facebook網址，大家可以去睇睇她的花球和呢款花球的其他顏色。
http://www.facebook.com/#!/Sumflower888?fref=ts
訂閱：
文章 (Atom)