裝修完成了@our home

 

 

裝修轉眼間就過了23日，終於起貨了。
因我地要星期六先得閒上去睇和收貨，所以到上星期六24/11先真正收貨，當日我長週要返工，所以張生跟2老飲完早茶就上去睇樓。
其實都唔使點睇，因我地上星期連續2晚羅窗簾棍上去都睇左，大致上無問題，係門框那隻"巨"木色淺了點。

收貨時的色都係淺了點，但肉眼睇是深d既，觀感上會好一點。
星期六張生和2老已打掃了一次和抹了一次窗，但下面那幅是星期日我上去看到的情景。

 

上星期日，我地由11am到9:30pm，我不斷吸塵、掃地，抹地不下幾十次。間屋清了3間房，廳中既雜物亦移動了。算是搞好7成。
 

當日重要勁潮濕，天呀！11月係呢d天氣嗎？

 

hehe~~我係燈展買的房燈，我係實惠見到純白色膠都要$310，但係燈展只需$30，但我當時唔敢買，唔知2老喜唔喜歡。
我呢盞連3個慳電膽都只是$80。重有我地條窗簾棍又裝好了。
 

他哥哥全日不停鑽孔裝窗簾棍、房燈、砌床、還幫我們鑽孔裝電線入房。他忙左一整天，咩都識做，好勁呀！感謝！！
右面是我們的大房，我終於清理好晒d雜物和打掃乾淨，他哥哥幫我地拉好TV天線、電話線和上網線，正！




鑽了13吋半厚的牆，第1個孔撞正鐵柱，半小時後都唔得，唯有鑽另一位置，一鑽不用2分鐘就搞掂，總共鑽了2個孔。


星期六當晚去唔到一田，好彩我的伴娘和姊妹好朋友幫我買了呢套Forever Friends的床笠。hehe~~我買下買下有2套casablanca，1套casablanca龍鳳被和以下的forever freinds。

呢套係第2套casablanca 530針 $400@ Casablanca太子開倉店，第1套係360針 $279，但唔記得影相，遲d補返相。

明天星期六紅蘋果傢私可以一次過送晒來，正正正！！
以下是我計劃擺放的圖，hehe~~~不過實物因要就吊櫃高度，所以矮了一截。唉！！=.='''''

另外未來99買了以下櫃放到廳，hehe~~~我要霸最頂個格，放我d forever freinds公仔，彌補我書桌少了一格玻璃櫃。

99話ROCA新廁所都係今個星期三換好了，
現家重有床褥和TV就下星期三和六才送來和安裝，窗簾布今日就有得羅喇，明早羅完窗簾布，又回去再清潔一次，下午就等傢私送來安裝喇！
搞好後，再俾個完成版俾大家睇。哈哈！！！

而張生寄居了我家亦1個月了，明天他正式搬回家喇！
我好多謝我的6699，多謝他們咁大動作來個大裝修，因為裝修，好多舊衣櫃都掉了，裝修後，又有2個櫃都留不了，又要買過，使下使下都使了唔少錢。
雖然是簡單裝修，但現家成間屋既感覺都好新正、舒服，我現家連居屋都唔想抽了，一直住到將來才打算。

希望你們兩老身體健康！4個月後大家相處融合！！

裝修進入最後階段

因裝修已接近尾聲，重話呢個星期應該搞掂，所以昨晚跟張生羅好窗簾木棍和房燈上去，上到去，7點幾油漆師父重未收工，他係度油緊第2浸油。
睇進度應該快起貨了。

牆身和天花都不錯。
但房門好似唔係呢個款，唔係一個凌形，應該有幾個凌形的款，不過算丫。都裝好。
因現家房門色淺，門框油既色都淺，但我希望深d既門框色。希望下面新門框的類似色。
不過都油好了，所以無得改。

原我們只換自己房的窗簾，但突然未來99話要換，原日她自己去揀，現家就話我地話事，做同一系列。
所以昨晚急上去度尺，因之前度自己房的冷氣機位都度唔夠尺寸資料。
我們快快度好了4 sets窗和冷氣機尺寸，打算打電話俾鋪頭加木棍，怎知原來裝單前晚去羅木棍時留下了。

又唔記得個名，好快記得前晚打過去。
因未來66又話師兄星期五鑽孔，星期五即我今晚要羅到木棍上去，師父星期五先安裝到丫。
唉！好彩今早打去講了尺寸，今晚就可以羅左木棍先。

今晚真係好趕，首先去上水羅棍，跟尺寸，跟住又羅住幾碌棍返青衣。真係玩到頭暈暈了。
為何不早點確認幾時鑽孔，確認換晒新窗簾？！？！

兩老又怕師父鑽孔要錢，其實鑽幾個孔唔係都收錢嘛！
重有我們既房燈，張生遲遲唔講要裝燈，現家兩老一聽到裝燈，重驚。

燈就預左收錢，不過要睇下收幾錢。

 

燈展買的房燈，第一行第一個，當我買時，好多款已經俾人買晒了。
想買有d水晶係中間裝飾，但要$360，又唔係好靚，咁就買個平平地既膠料房燈。開燈後既效果都ok。用完黃色燈後，之後自己再換返LED燈泡或白光慳電膽。

6th Pre-wedding@ my Ching

呢輯係剛過去的2012-11-17(星期六)我師兄Alex幫我地影的，由於之前影得太多wedding gown，所以師兄話不如呢輯影causal wear，d相就可以多d元素，但那日下雨，又要set相機，所以都唔係影得太多相。
以下呢d是師兄的相，重有d是他的朋友，遲d收埋他d朋友，再post上來，睇下他們2個不同風格的相。
呢輯亦是我們最後一輯pre-wedding相，我其實都影到好夠。哈哈！！

多謝我的所有朋友的幫忙！

 

   

 

 

 

4thPre-wedding@Dennis's friend

由於之前10月太忙，好多pre-wedding櫻相仍未post，其實呢輯係2012-10-20的夜景，所有相都羅返，但由於時間關係，呢d係一收到係iphone save下來，post呢d，同原相resolution都唔係差太遠。

當日是umiwedding既free prewedding@大潭，夜晚就join我朋友Dennis和他影相朋友Dickson影埋夜景。
今次輯夜景影得唔錯，可惜我當晚射呢，因為2部相機，所以就角度而搞到射呢，好彩縮細睇都唔多覺既。
這輯是最清既夜景，質素亦很好，多謝Dennis和他的朋友。

 

 

蜜月旅行@歐洲自由行

蜜月既地點其實一早都定了是西歐，之前就預跟團，因只有2人，自由行可能困難d，時間又唔係長。
但因我朋友Dennis突然話去意大利，咁我當然一齊去丫，加埋April都話去，咁就成了我們的自由行。

雖然有人話蜜月應該2人去，但其實現家跟朋友4人一起去，同跟團一大班人，情況一樣姐。
加上我覺得蜜月其實同去旅行都係一樣，多d人去，重熱鬧d，加上可以自由行，多個人照應更好呢！


我地自己去旅行對酒店一向都無高要求，只要乾淨、地點方便和價錢平就得。
所以今次自由行都想揀d平既酒店。

確實行程就未有，但大家每每討論3個地方？4個地方？去那幾個國家？
天天不同.....

暫定意大利、瑞士、法國....
日期係28/4/13 ~ 11/5/13

講起假期，真的很感謝我老細，我原煩著怎樣跟她羅假去歐洲，唔敢羅足2星期。
但她上星突然羅住張13年年曆，話跟我夾下我下年羅幾多日假期。

我就話結婚前應只羅1日，跟住到4月尾就想羅29/4 or 30/4 到11/5，哈，我當然隨棍上丫，話咁岩有朋友可以夾到一齊去旅行。

她竟然出奇地無拒絕、反而話ok ar，重話我3月尾結完婚可以忍到咁耐先去旅行，我話無問題丫，要搞掂4月的2個exhibtions先，哈哈，當然賣下口乖。

雖然來緊農曆新年要俾公司扣5日大假，但唔緊要，就算我負假都唔緊要，老細肯俾我放2星期，我咩都無問題丫。哈！有時我老細對我都唔錯，雖然有時她會苛刻d。

Sinomax 床褥 & Samsung Smart TV KO@Jusco

去完韓國pre-wedding後，其實要開始購買our room既其他用品，繼上次買好傢具後，就餘下電視和床褥，呢兩樣野，我地一早有晒心水。

我由9月就開始不同地點問價，當然sinomax床褥價錢由9月話會加價，加到現11月都仍然同價，優惠仍是一樣。
Samsung 40" TV就之前去過屯門Jusco問過$6490，當時以為度度都做呢個價，點知後來問其他豐澤個d，全是6980，剛過去星期日問，都要6880。


11/11原是跟朋友去大棠影紅葉，因為未有，改為去屯門睇戲。
睇完吃過飯，經過Jusco，當然唔放過機會問TV和床褥。TV價錢無變，但Jusco sales好似唔想接生意，問左2次有無其他優惠>>>無，可否用J card 95折又話無。

點知去到sinomax床褥，sales姨姨好好人原是話88折，我話其他做開85折，跟住又教我用全日通有95折，經過一輪，她又打電話問經理。
最後係教我用Jusco cash coupon。

Sinomax 銀離子4呎半床褥 $4299 x 0.85 =3654.2 >>>減$250 cash coupon >>> $3404.2 (全日通95折都要$3471.5，都貴$70)
Sinomax 太空升級枕頭 $559 x 2 x 0.7  =$782.6 >>>減$75 cash coupon >>> $707.6 (全日通95折都要$743.5，都貴$40)
Samsung Smart 40" TV $6490 >>>減$250 cash coupon >>> $6240 (無任何折扣可以用，因是25週年特價優惠，重要打機是變返6880，但好彩之前那2個jusco sales話過係6490，咁我地先可以用返6490舊價)
最後我重加多$25送多個熨斗，雖然之前已買蒸汽機，但買呢個回媽家用，都抵呀！



值得一提，Jusco Samsung 伯伯sales好好人，又送得多野，私人送多套HDMI cable，又有blue ray機送。所以當我地要等samsung sales吃飯回來，我地都好想係呢個伯伯，最後果然是他，因他第1次解釋得好清楚，又好人。反而那些Jusco sales好唔掂，唔想做唔想做咁，咩都唔知。


 

heeee...之後我地可以係房度自己睇電視和戲。

Sinomax太空棉真係好舒服，自己張床褥和枕頭訓左幾年，都重係咁舒服。價錢又抵，床褥更有10年保養。

 

現家好期待裝修快d完成，張生10/11上去睇過，已完成第1浸灰，等乾後再上一浸灰，之後就可以油漆。
現家諗諗下無加錢轉金裝立邦油漆，真係有點後悔，不過5合1應該都耐用，師父已買好油，現家想轉都轉唔到，之前又無金裝色板，早知當時叫師父自己配同樣色既金裝油。

期待11月尾完成，但完成裝修的同時，就係大清潔，unpack物品和傢具的時候，到時又要大執一番

希望12月初所有傢具都可以運送好，到時就開始準備最後階段：印貼、座位表、歌、成長片段、花車、花、過大禮、fitting......................................

C6 Laser @ Cutis

 

除左報Modern Beauty 的Facial，現家keep住飲Choco B B Drink，我一直都心郁郁想做埋激光退—斑。

因我呢幾年曬左一個太陽斑，再加上遺傳的1d荷爾蒙斑，真係好慘。

聽說會結蕉的激光退斑最有用，之前問過現代美容，她們話無結蕉的做，只有激光美白，$12000/1年。
其實聽後都有點心動，但始終唔係結蕉，重要打1年，時間上都趕唔切結婚日。

但突然上星期收到Esdlife email，特選客戶$3800/3年 C6 Laser任打。

見到電郵後真係更大心動，上網search左後，見有blogger都係6月join左呢個offer，做左2次後效果又唔錯，所以我就拿拿臨走去join。

初時打電話去問，她話offer已完，問問再覆我。
我等了一會，再睇電郵，話要用此電郵coupon，所以我又打去問多次，最後都都是還有呢個offer。

上到旺角分店，那裡很多人等做facial或laser，有男有女，好熱鬧。
Sales來跟我講解完，都有介紹那種結蕉的laser，因我的太陽斑或1d深既斑，要重點打結蕉，之後再配合C6，令色素均勻d。但要醫生睇完quote價，做1-3次，$5000起。

我話遲d再考盧，她都無再hard sell，重好好話睇下即時可否打第1次，叫我等等。
跟住就有個女仔入來帶我去卸妝，然後就打。

打前真係好驚，好緊張，我只是年幾前試過係Physical打過2次laser。

其實感覺都可以忍到，類似蟻咬，又聞到"lon"味，因我多面毛，遇到laser，黑色素的反應，但面毛做完後會變成白色。

呢度打laser比Physical打得仔細，每個部分都會打。

打完後都有sell導入精華，但唔hard sell，她會幫你塗一層保濕，前後都只是20mins，其實成個過程，sell>laser>paid都只是30mins左右。

做完後還約埋下次10/11打，因現家是新打laser，暫2星期一次，再耐d就會3-4星期一次，再耐d就會4-6星期一次。
做完後，呢幾日同事和張生都發覺我面白淨了，斑是淡了點色，整體不錯。
希望有用，我覺得我終有1日會打結蕉的，其實我見到我老細打左結蕉，斑和面色都白左好多，所以我更心動想打結蕉。